Җирләргә алып бара торган мәеттән сәер тавыш чыккан
Мәрхүмәнең туганнары табибларга мөрәҗәгать иткән.
Аргентинада бер хатын мәетен җирләгәндә сәер вакыйга килеп чыга. Табуттан тавыш килә башлагач, хушлашу чарасын туктатырга мәҗбүр булалар. Бу турыда Daily Mail сайтына сылтама белән РИА Новости агентлыгы хәбәр итте.
65 яшьлек мәрхүмә хатын салынган табут эченнән ыңгырашкан тавыш ишетелә башлый. Мәетне җирләргә дип зиратка алып барышлый, машинада шушы хәл килеп чыга.
Мәрхүмәнең туганнары тиз арада катафалкны туктата һәм хастаханәгә борылырга куша. Хастаханә табиблары исә бу хатынның инде 24 сәгать үле булуын әйтә.
Сәер тавышларның мәрхүмә мәетендәге газлардан булуы яки сулыш органнары селкенеп барлыкка килүе ихтимал, диелгән әлеге хәбәрдә.