Германиядә бер кеше хезмәттәшләре ризыгына еллар буе агулы порошок сибеп торган

13 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Германиядә Шлос-Хольте-Штукенброк шәһәрендә ARI-Armaturen заводы хезмәткәрен, хезмәттәшләре ризыгына даими рәвештә агу салып торганы өчен, гомерлеккә ирегеннән мәхрүм иткәннәр. Бу хакта Esquire порталы яза.

Агулаучы кеше гамәлләреннән 23 яшьлек егет зыян күргән. Ул, баш мие зарарланып, комага кергән. Анализлар егет организмында зур концентрациядә терекөмеш булуын күрсәткән. 27 һәм 67 яшьлек тагын ике кеше хәзер бөер авыруыннан интегә. Баштарак тикшерүчеләр һәм табиблар бу хәлләрнең сәбәпләрен аңлый алмаган. "Бергә эшләгән кеше шундый зур зыян салыр дип кем уйлаган. Бөтенесе бер-берсенә ышана", - дип сөйләгән заводта эшләүче бер кеше. 

The New York Times язганча, сәбәпне шушы завод хезмәткәре ачыклаган. Ул өендә ветчина һәм сыр белән бутерброд ясап алып килгән. Эшендә шуны ашарга утыргач, ул бутерброд өстендә көрән таплар күреп ала. Ир-ат полициягә мөрәҗәгать итә. Шуннан соң аш бүлмәсендә күзәтү камералары куялар.

Өч елдан суд 57 яшьлек механик Клаус О.ны кулга ала. Аны хезмәттәшләрен үтерергә тырышуда гаеплиләр һәм гомерлеккә ирегеннән мәхрүм итәргә дигән карар чыгаралар. Күзәтү камералары ир-атның даими рәвештә хезмәттәшләре ризыгына терекөмеш, кургаш, кадмий кушылган порошок сибеп торуын ачыкларга ярдәм итә.

Тентү вакытында тикшерүчеләр бу кешенең подвалында гади генә химия лабораториясе барлыгын ачыклый. Ул кулланган кушылмаларны судья "Икенче бөтендөнья сугышында кулланган агулардан да зыянлырак" дип бәяли. Клаусны бу гамәлләргә этәргән сәбәпләр билгесез. Судта ул кешеләрне ни өчен агулавын аңлата алмаган. Прокурорлар фикеренчә, ул химикатларның тәэсирен ачыкларга теләгән.

Суд барганда Клаус үзен фотога төшерергә бирмәгән, йөзен кулы белән каплаган һәм сөйләшмәгән. Коллегалары аның ябык, аралашмаучы кеше икәнен әйткән. Туганнары исә Клаусның авыр балачагы турында сөйләгән. 

Суд барышында психиатр хөкем ителүченең психик яктан сәламәт булуын раслаган. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла