Гел "игәүләп" торганга "нервлары чыдамаган" ир хатынын урманга алып барып буып үтергән

10 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Иркутск өлкәсе буенча Тикшерү идарәсе видеосыннан скриншот
Иркутск өлкәсенең Братск шәһәрендә бер ир-атны хатынын үтерүдә шикләнеп тоткарлаганнар. Башта бу кеше хатынын хәбәрсез югалды дип сөйләгән булган. Хәзер аның үзен җинаятьтә шикләнәләр. Бу турыда "Вести" каналы хәбәр итте.

Россия Тикшерү комитетының Иркутск өлкәсе буенча Тикшерү идарәсендә хәбәр иткәнчә, 3 апрельдә 36 яшьлек ир-ат хатынын алдап, урманга алып бара. Биредә ул хатынын буып үтерә һәм мәетне яшереп куя. Ир җинаятен алдан уйлап әзерләгән, диелгән бу хәбәрдә.

Хатынын үтергәч, бу ир шәһәргә әйләнеп кайта. Шуннан соң ул үзе полициягә бара. Хатыны каядыр чыгып китте һәм хәбәрсез югалды, дип сөйли. "Югалган" хатынны берничә көн эзлиләр. Ир дә бу эшләрдә катнаша, эзләшкән булып кылана. 

5 апрельдә бу ир-атны полиция тоткарлый. Шуннан соң гына ул хатынын үтерүен сөйләп бирә, җинаять урынын һәм мәетнең кайда ятканын күрсәтә. Аның сүзләренчә, "хатыны туйдырып бетергән", һаман "игәүләп" торган, шуңа күрә аның "нервлары чыдамаган".

Бу ир-ат моңа кадәр җинаять җаваплылыгына тартылмаган. Ир белән хатынның өч яшьлек баласы бар.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла