"Футбол тубы кадәр иде": Бер хатынның эчендә 15 килолы шеш үскән

8 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Михаил Захаров
Краснодар өлкәсе онкодиспансеры табиблары бер хатын эченнән ике шеш алган. Шешләрнең берсе 15 кило авырлыкта булган. Бу турыда Краснодар өлкәсе буенча Сәламәтлек саклау министрлыгы матбугат хезмәте хәбәр итте.

Диспансеризация вакытында 70 яшьлек хатынның аналыгында яман шеш билгеләре ачыклана. Соңрак диагноз раслана. Табиблар бу хатынның эчендә тагын бер шеш булуын күрә. Шешләрнең зуррагы операция ясау өчен катлаулы урында урнашкан.

Тәҗрибәле табиблар ике шешнең дә үсеп ятуын ачыклый. Авыру хатынны коткару өчен онкогинекологлар һәм онкопроктологлар бригадасы бергәләп эшли. Табиблар биш сәгать чамасы операция ясый.

"Авыру хатынның эчендәге шеш футбол тубы кадәр зурлыкта иде. Ул берничә ел буена үсеп яткан", - дип сөйләгән хастаханәнең баш табибы Роман Мурашко. 

Операция уңышлы узган. Хәзер бу хатын савыга башлаган.

"Табибларның осталыгы нәтиҗәсендә, бу хатын терелә башлады. Бүгенге көндә яман шешне алдан ачыклау - авыру белән көрәшнең иң төп коралы. Яман шешләр - бик явыз дошман, алар башта үзләрен берничек тә белдерми. Нәкъ менә шуңа күрә даими рәвештә тикшеренеп торырга кирәк. Рак скринингы - кешедә симптомнары күренмәгән яман шешне эзләү ул. Сәламәтлек турында яшьтән кайгыртырга кирәк, терапевтка күренергә кирәк. Предприятиеләр профилактик медосмотрлар уздыра. Россия Сәламәтлек саклау министрлыгы боерыгы буенча, һәр кешене яши торган урынындагы поликлиникага диспансеризациягә чакыралар. Сәламәтлегеңә игътибарлы булганда, профилактика белән шөгыльләнгәндә, яман шеше килеп чыгу ихтималын киметергә мөмкин", - дип аңлата Мурашко.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла