Егете ут төртеп яндырган кызны ярты елдан соң хастаханәдән чыгардылар

20 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Мокшиннарның гаилә архивы
Түбән Кама районында бер егетнең очрашып йөргән йөкле кызы Ирина Мокшинага ут төртүе республикада гына түгел, читтә яшәүчеләрне дә тетрәндергән иде. 

Фаҗига 19 мартта Түбән Кама районының Шереметьевка авылында була. Тикшерү версиясе буенча, аңны томалый торган матдәләр тәэсирендә булган 26 яшьлек егет 20 яшьлек дус кызы Ирина Мокшинага шалтырата. Сөйләшкән вакытта егет нәрсәдәндер шикләнеп куя, аңа кыз янында кемдер бар кебек тоела.

Җинаятьче иптәше белән такси ала һәм кыз яшәгән авылга килә. Көнче егет, юлда туктап, тиз янып китә торган сыеклык сатып ала. Йортка кергәч, аны кызның аяк астына сибә һәм тәмәке төпчеге ташлый.

Кыз өйдән йөгереп чыга, күршеләренә чаба. Алар кызга ярдәм күрсәтә һәм ашыгыч хезмәтләр чакырта. Янгын нәтиҗәсендә йорт тулысынча янып бетә, ә җинаятьчеләр фаҗига урыныннан качып китә. Әлеге факт буенча, йөкле хатын-кызны үтерергә теләү маддәсе нигезендә, җинаять эше ачылган. 

Берничә көннән соң ут төртүчене үле килеш табалар. Аның гәүдәсе Шереметьевка авылындагы бер өйдә табыла. Фаразлар буенча, кулларын яндырган исерек егет кеше йортына кергәндә тәрәзәне ваткан һәм нык кына яраланган. Йоклап киткән һәм кан югалту нәтиҗәсендә вафат булган.



Бүген аны чыгардылар.

Фаҗигага кадәр Ирина бәхетле була: йөрәк астында бала йөртә. Әмма уттан зыян күргәннән соң, сәламәтлегенә нык авырга туры килгәнгә, табиблар аңа шарт куя: я балаңны коткарырга, ә сине коткарырга туры киләчәк, диләр. 

- Минем аборт ясатасым килмәде, ул көнне бик еладым, - дип сөйләде бүген хастаханәдән чыккан Ирина "Татарстан24" телеканалына. 

Аның аякларында пешүдән эзләр әле дә калган. 

Бернәрсәсез калган гаилә республика халкына ярдәм сорап мөрәҗәгать итте. Хәйрия акчалары шактый җыелганы мәгълүм, хәзерге вакытта йортның диварлары инде әзер, шушы көннәрдә түбәсен яба башлыйлар. Иринаның әтисе Юрий ярдәм иткән кешеләргә олы рәхмәтен белдерә. Яңа йортны ул үз куллары белән төзи. Акча тагын кирәк булачак әле, чөнки документларны яңадан эшләтәсе, яңа йортка җиһазлар аласы бар. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла