Диңгездәге дулкыннар туристлар ял итә торган комлыкка сыер үләксәләре чыгарып ташлаган

7 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Көчле дулкыннар Канар утраулары янындагы су буйларына һәм комлыкларга сыер үләксәләре чыгарып ташлаган. Тенериф дип аталган комлыкта ял иткән туристлар шул хакта сөйләгән. Бу турыда The Sun басмасына сылтама белән «Лента.ру» хәбәр итте.

Ике ир-ат Эль Медано шәһәре янында диңгез яры буйлап йөзеп бара. Шул чакта алар сыер үләксәсенә бәрелә. Гидроцикллар ярдәмендә сыерны ярга алып чыгалар һәм чүплеккә илтеп ташлыйлар.

Тагын бер очрак Гранадилья-де-Абона шәһәре янында була. Тенериф һәм Гомер утраулары арасында да үләксәләр табыла.

Соңыннан ачыкланганча, тере сыерларны Көньяк Америкадан алып кайтып килгәннәр. Юлда хайваннар үлгәч, аларның үләксәсен диңгезгә генә ташлап калдырганнар. Бортта сасы ис чыкмасын өчен, үләксәне суга салганнар. 

Транспортлау вакытында һәлак булган хайваннар гади чүп булып санала икән. Закон буенча, бу үләксәләрне яндырып, якындагы портка тапшырырга тиеш булганнар.

Быел ел башыннан Франциянең Атлантика ярларында дельфин үләксәләре дә күпләп очраган. Биредә 600ләп дельфин табылган. Аларның күбесенең сөякләре, койрыклары сынып беткән, тиреләрендә тирән яра эзләре булган. Дельфиннар балыкчыларның ятьмәсенә эләгеп имгәнгән, дип фаразлыйлар.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла