"ДДТ" төркеме лидеры Юрий Шевчукның әнисе Фәния ханым вафат

9 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Михаил Захаров
8 августта Уфа шәһәрендә "ДДТ" төркеме лидеры Юрий Шевчукның әнисе Фәния Әкрамовна Гәрәева-Шевчук вафат булган. Аңа 94 яшь иде. Бу турыда "Башкортстан" телевидениесе җырчының якыннарына сылтама белән хәбәр итте.

Юрий Шевчук әнисен соңгы юлга озатырга Башкортстанга кайткан. "Мәрхүмәне якын арада шәһәрнең  Көньяк зиратына җирлиләр", диелә бу хәбәрдә.  

Фәния Гәрәева-Шевчук 1925 елның 20 маенда туган. Ул Башкортстан педуниверситетында укытучы булып эшләгән. Аннары Юрий Шевчук та шунда укыган. Ул медальләр һәм мактау билгеләр белән бүләкләнгән. Соңгы елларда Фәния ханым Уфада яшәгән. 

РИА Новости язуынча, 10 августта Уфадагы Октябрь революциясе урамындагы чиркәүдә озату чарасы булачак.

Җырчының әтисе Юлиан Сосфенович алты ел элек вафат булган иде. Фәния Әкрамовна гомере буе Уфада яшәде. Юрий Шевчук әнисен бик яратуын һәм сәнгатьнең әнисеннән бирелүен сөйли иде.

Юрий Шевчукның әтисе - украин, әнисе татар кызы. Җырчының бабайсының әтисе мулла булган. Ул Совет властен кабул итмәгән өчен атып үтерелгән.

Шевчукның бабайсы Әкрам да мәдрәсә тәмамлаган мулла. Җырчы бер интервьюда бабайсының Коръәне үзенә мирас булып күчүен әйткән иде. Җырчы православие һәм ислам арасында бәргәләнгән, әмма рус мохитында тәрбияләнү сәбәпле, ахыр чиктә православиене сайлавын әйткән. "Барлык юллар да Аллага илтә", - дигән ул.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла