Чиләбе өлкәсендә биш кеше үтерелгән йортта исән калган сабый бала табылган

4 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Бүген Чиләбе өлкәсендә бер йортта биш кеше мәете табылды. Соңрак полиция хезмәткәрләре шушы ук йортта исән калган сабый баланы тапкан. Ул коляскада ятып калган. Бу турыда РИА Новости хәбәр итте. 

Чиләбе өлкәсенең Нязепетровск шәһәрендәге шәхси йортта биш кеше мәете табылган. Шуларның берсе - дүрт яшьлек бала. Бу турыда Россия Тикшерү комитетының матбугат хезмәте хәбәр итте.

"4 майда иртәнге якта Нязепетровск шәһәрендәге бер шәхси йортта ике хатын-кыз, ике ир-ат, бер бала мәете табылды. Аларны пычак белән яралап үтергәннәр. Чиләбе өлкәсе буенча Тикшерү комитеты идарәсе хезмәткәрләре "ике яки аннан да күбрәк кеше үтерү" маддәсе буенча җинаять эше ачты", - диелгән бу хәбәрдә.

Фаҗига урынында тикшерүчеләр, криминалистлар, оперативниклар һәм башка белгечләр эшли. 

РИА Новости агентлыгының хокук саклау органнарындагы чыганагы исән калган сабый бала турында сөйләгән. "4 майда Нязепетровск шәһәрендәге шәхси йортта биш мәет табылды. Өйдә шулай ук коляскада яткан сабый бала да бар иде. Ул исән. Йорт хуҗалары - ир-ат һәм аның белән бергә яши торган хатын янына тагын бер хатын-кыз кунакка килгән. Ул ике баласын да үзе белән алып килгән. Өйдә тагын бер кунак ир-ат булган. Алар бергәләп спиртлы эчемлекләр эчеп утырган", - дип сөйләгән агентлыкның чыганагы.

Һәлак булган кешеләргә 32-33 яшьләр. Үтерүдә шикләнелүче кешеләрне эзләү бара, диелгән бу хәбәрдә.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла