Чикләвек җыярга киткән 12 яшьлек малай урманда биш көн адашып йөргән

4 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://vk.com/mchstuva
29 сентябрьдә Тува республикасында тайгада унике яшьлек малай югалган. Биш көн эзләгәннән соң, бүген баланы исән килеш тапканнар. Бу турыда РИА Новости агентлыгы Россия Тикшерү комитетына сылтама белән хәбәр итте. 


 
Малай 29 сентябрьдә Тоджинский районының Ий авылыннан 20 км ераклыкта югала. Ул тайгага әтисе һәм башка ир-атлар белән бергәләп кедр чикләвеге җыярга килә. Төш вакытына кадәр бала авыл ягына таба китә һәм югала. Көндезге икеләр тирәсендә генә олылар баланың югалуын абайлап ала. Башта алар малайны үзләре эзли. Аннары полиция хезмәткәрләре кушыла, Тикшерү комитеты хезмәткәрләре, коткару хезмәтләре дә баланы эзләшә. Соңрак бу эшкә аэромобиль бригада кушыла. 

Малайны урман өеннән биш километр ераклыкта карагай агачы төбендә утырып торган килеш табалар. Аның хәле бик авыр була. 


Соңрак бу баланы санитария авиациясе ярдәмендә Тува республика хастаханәсенә китерәләр. 

"Малайны хастаханәгә китерделәр. Хәзер аны табиблар карый", - дип сөйләгәннәр республика Сәламәтлек саклау министрлыгында. 

 



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла