Чибәркүл шәһәрендә яна торган йорттан ике сабыйны коткару мизгелен видеога төшергәннәр

15 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: http://74.mchs.gov.ru
15 апрельдә иртәнге якта Чиләбе өлкәсенең Чибәркүл шәһәрендә Пугачев урамындагы шәхси йортта янгын чыга. Яшь ярымлык һәм биш яшьлек ике бала бу вакытта өйдә үзләре генә була. Аларны коткарган мизгелне видеога шаһитлар төшереп алган. Бу кадрларны "Вести" каналы күрсәтте.

Янгын ишегалдыннан башлана. Әти кеше балаларын өйдә калдырып, күршедә генә урнашкан кибеткә керә. Ир-ат өйгә әйләнеп кайтканда, ул ишеккә якын килерлек булмый инде. Ялкын өйгә күчә. Әти кеше кадак каера торган гвоздодер табып ала. Аңа ярдәмгә күрше ире килеп җитә. Алар икәүләп тәрәзәгә куелган рәшәткәне куптара башлыйлар. Тәрәзә ачылгач, әти кеше өй эченә кереп китә һәм яшь ярымлык кызын алып чыга. Икенче баланы янгын сүндерүчеләр коткара, диелгән бу хәбәрдә. 

  

Гадәттән тыш хәлләр министрлыгы хезмәткәрләре сүзләренчә, әти кеше вакытында кайтып җиткәнгә, күрше ир-ат ярдәмгә килгәнгә генә, янгыннан зуррак фаҗига килеп чыкмый калган.

Урынга килеп җиткән ашыгыч ярдәм табиблары балаларны караган. Алар исән-сау, имгәнмәгәннәр. Шуннан соң әни кеше дә кайтып җиткән. Башлангыч версия буенча, янгын иске электр үткәргечтәге кыска ялганыш аркасында килеп чыккан, дип хәбәр ителә Чиләбе өлкәсе буенча Гадәттән тыш хәлләр министрлыгы сайтында.
 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла