Черегән бәрәңгедән чыккан газ белән агуланып, бер өйдә дүрт кеше үлгән

16 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
Чиләбе өлкәсенең Кусинский районында Магнитка бистәсендә бер йортның базында дүрт кеше мәете табылган. Алар арасында яшүсмер бала да бар. Бу турыда төбәк буенча Гадәттән тыш хәлләр министрлыгына сылтама белән ТАСС агентлыгы хәбәр итте.

"Эчке эшләр министрлыгының Чиләбе өлкәсе буенча идарәсе дежурные Гадәттән тыш хәлләр министрлыгына хәбәр итте. Шәхси торак йортта дүрт мәет, шул исәптән берсе яшүсмер, табылган. Тагын бер бер кешене авыр хәлдә хастаханәгә озатканнар. Ул шунда вафат булган. Мәрхүмнәрнең туганнары белән эшләү өчен психолог чакырдык", - дип аңлатканнар ведомствода. 
 
Чиләбе өлкәсе буенча Эчке эшләр министрлыгы матбугат хезмәте бу очракта криминал булмавын хәбәр итә. "Йортта кешеләр һәлак булды - бу фактны раслыйбыз. Ләкин аларның үлемендә криминал юк", диелә хәбәрдә.

Кусинский районы башлыгы Юрий Лысяков ТАСС агентлыгына аңлатма биргән. Аның сүзләренчә, идән астында черегән бәрәңгедән җыелган газ аркасында дүрт кеше һәлак булган. "Бер катлы йортның идән астында углекислота җыелган. Мәрхүмнәр шунда төшкән һәм газ белән агуланган", - дип сөйләгән Лысяков. 
 
Әлеге хәлне тикшерүчеләр өйрәнә. Бу турыда Россия Тикшерү комитетының Чиләбе өлкәсе буенча Тикшерү идарәсе хәбәр итә. 
 
"Кусинский районының Магнитка бистәсендәге шәхси йортта кичке якта яшелчәләр саклый торган подвалда дүрт кеше мәете табылды. Алар арасында 16 яшьлек яшүсмер дә бар. Тикшерү эшләр оештырылды. Башлангыч версия буенча, ир-атлар бу бинаны җыештырганда черегән бәрәңгедән чыккан газлар белән агуланган", диелә хәбәрдә.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла