Чаллыдан Башкорстанга барган автобус капланган: һәлак булучылар бар
Чаллыдан Башкорстанга барган автобус капланган: һәлак булучылар бар
Башкортстанда Уфа-Белорецк юлында, Архангельский һәм Карламан торак пунктлары арасында King Long XMQ автобусы капланган, дип хәбәр итә "Вести-Башкортстан".
Интерфакс хәбәр итүенчә, автобус Чаллыдан Башкортстанның Миндигулово торак пунктына барган. Автобуста 9 бала булган.
Башкортстан буенча ЮХИДИ идарәсе хәбәр итүенчә, салонда 39 пассажир булган. Фаҗига шаһитлары әйтүенчә, кешеләрне автобустан тиз генә чыгара алмаганнар. "Анда балалар кычкыра", - ди фаҗига урынында булган кеше.
5 кеше һәлак булган, 10 кеше тән җәрәхәтләре алган, дип хәбәр итә Интерфакс. Берничә кеше кысылып калган, аларны коткаралар.
Оператив штаб төзелгән, урында экстрен хезмәтләр эшли.