Чаллыда коточкыч хәл: Җинаять урыныннан алты пычак табылган

9 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Чаллыда пенсионер хатынны вәхшиләрчә үтергәннәр. Җинаятьтә шикләнелүче ир-ат тоткарлаган. Җинаять урынында алты пычак табылган. Моны белгән күрше-тирә шок кичерә. Бу турыда "Челнинские изестия" хәбәр итте.

5 августта Чаллының 45 комплексында урнашкан йортның бишенче катындагы бер фатирда хатын-кыз мәете табыла. 65 яшьлек хатынга бик күп тапкыр пычак белән кадаганнар. Ул яраларыннан һәлак булган. Ул ашыгыч ярдәм табиблары килгәнче җан биргән инде.

Судмедэскепртлар мәрхүмә хатын тәнендә 23 тапкыр пычак кадаган эз санаган.

"Бу йортта мин 2002 елдан бирле яшим. Безнең подъездда талаш чыкканы булмады, тыныч иде", - дип сөйли күршеләр.

"Коточкыч үтерү турында участок полиция хезмәткәреннән генә белдем. Күршемне кем үтерергә мөмкин - башым сыймый. Берәр ярдәм кирәкмиме дип, кермәкче дә идем. Полиция хезмәткәрләре кертмәде", - ди ул.

Мәрхүмә хатын да, аның күршесе дә Брянск өлкәсендә туган, алар якташ булсалар да, сирәк аралашкан. "Ул күптән пенсиядә инде, инвалид иде бугай. Аның аяклары авырта иде. Кибеткә үзе йөрде анысы Ул кызы, зур оныгы белән бергә яшәде", - ди күрше.

Фаҗига булган көнне хатын өйдә үзе генә була. Кичке бишләр тирәсендә мәрхүмә хатынның кызы, үз эшләре белән, өйдән чыгып киткән була. 

Җинаятьтә шикләнеп шушы ук подъездда яшәүче 43 яшьлек ир-атны кулга алалар. Подъездда яшәүчеләрне сораштырганда, күршеләрнең берсе көтелмәгән күрсәтмә бирә. Аның ире 5 августта кичке якта канга буялып кайта. Бу хатынның ирен - шушы подъезддагы фатирда яшәүче ир-атны кулга алалар, тикшерү бара. Җинаятьнең мотивлары әлегә билгеле түгел.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла