Чабаксарда әнисе белән барган бер яшьлек кыз канализация коесына егылып төшкән - видео
Чабаксарда әнисе белән барган бер яшьлек кыз канализация коесына егылып төшкән - видео
Чабаксарда ике эшче Болгарстрой урамының 7нче йорты янындагы канализация юлларын ремонтлаган. Берсе, подъезд ишеге төбендәге канализация коесын ачык калдырып, читкә китә. Бер яшьлек баласы белән барган ана моны күрмичә узып китә. Кызы исә арттарак калган була. Ул өч метр тирәнлектәге канализация чокырына егылып төшә. Видеомәгълүмат Россия Тикшерү комитеты сайтында урнаштырылган.
Җинаять эше кузгатылган. Гаепле кеше тоткарланган.
Эшчеләр кызны коткара. Бәхеткә, аның сәламәтлегенә зур зыян килми - бер кулы җәрәхәтләнә. Аны хастаханәгә алып китәләр.
Җинаять эше кузгатылган. Гаепле кеше тоткарланган.
Социаль челтәрләрдә люкны ачык калдырган эшчеләрдән бигрәк, кызын артта калдырып, "һавага карап" барган ананы тәнкыйтьлиләр.
"Люкны киртә белән әйләндереп алмаган бу диваналар - анысы аңлашыла инде. Ана кеше гаҗәп! Баласыннан алда бара, аны карамый, сабый егылып төшкәч, кулындагы пакетын да ташламады. Бигрәк гаҗәп - баласы егылып төшкән, ул кулларын селкеп кенә тора, бернишләми".
"Ә ана кая карый? Ул бит эт түгел, аны калдырып алга китәргә?"
"Әйе, гаҗәп, ана кешенең реакциясе сәер. Мин үзем люкка сикерер идем".