Өч бала атасы, бәхәсләшеп, кәлтә елан ашап агуланган

12 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Австралиядә яшәүче 34 яшьлек Дэвид Доуэлл (David Dowell) исемле ир-ат, өч бала атасы дуслары белән кичәдә бәхәскә кергән. Ул бәхәсләшеп, геккон дип аталган кәлтә еланны ашаган. Батыр ир-ат күзен дә йоммыйча өстерәлүче хайванны кабып йоткан. Бу турыда "Вести.Медицина" сайты хәбәр итте.

"Һичнинди очракта да, кызык өчен булса да, бу хайваннарны ашарга ярамый", дип алдан ук искәртелә әлеге хәбәрдә. 

  • Геккон - кәлтә еланның бер төре, Австралия, Африка, Яңа Зеландия, АКШ, Европаның көньягында тропик һәм субтропик өлкәләрдә яши. Ул теләсә нинди өслектә дә йөри ала, хәтта түшәм, пыяла кебек яссылыктан да егылып төшми. 50 г авырлыктагы геккон 2 килога кадәр йөк күтәреп тора ала. Озынлыгы 10-15 мм дан 30 см га кадәр җитәргә мөмкин.

Геккон дип аталган кәлтәләр елмаеп торган кебек тоела. Аны "елмаючы кәлтә" дип тә атыйлар. Шушы хайван өч бала атасының ун көннән үлеп китүенә сәбәпче булырга мөмкин. Әлегә бу төгәл ачыкланмаган. Доуэллның хатыны Аллира соңгы ярты ел эчендә ирен гел искә ала. Ул иренең үлемен кәлтә елан белән бәйләүләренә борчыла. Хатын иренең еланны ашаганын да төгәл белми.

"Ул шәп кеше иде. Иң яхшы ир-ат иде. Безнең балаларыбыз өчен идеаль әти булды", - дип искә ала хатын. Аллира ирен кәлтә елан белән бәйләп истә калдыруларын да теләми икән.

Вакыйга болайрак булган. Кәлтә еланы ашап, ике көн узганнан соң 34 яшьлек ир-атны Брисбен шәһәре хастаханәсенә китерәләр. Ул "абсолют агония" халәтендә була. Табиблар Дэвидны хастаханәгә яткырырга теләми. Алар гастрит, я исереклектән айнышмаган дип уйлый. Бу турыда мәрхүмнең апасы искә ала.

Хастаханәгә салып бер көн узгач, авыруда сальмонеллез булуы ачыклана. Бу вакытта кешенең эче китә, ашказаны авырта, температурасы күтәрелә. Ләкин Дэвидның хәле тагын да начаррак була. Ул ашказаныннан яшел су косып чыгара, сидеге кара төстә була, эче бик нык күперә, үпкәләре сыеклык белән тула.

Шуннан соң Дэвидның дусларының берсе Аллира янына килә. Ул хатынга иренең кәлтә елан ашаганын әйтә. Хатын бу турыда табибка сөйли. Табиб геккон ашау сальмонеллез китереп чыгарырга мөмкин булуын әйтә. Сальмонелла личинкалары елан, бака, геккон ашказанында булуы да ихтимал.

Кәлтә еланлы кичәдән соң, 10 көн узгач, Дэвид Доуэлл операция өстәлендә вафат була. Әгәр йогышлы авыру чыннан да кәлтә еланнан йоккан булса, бу ир-ат бәхәс өчен бик зур бәя түләгән - ул үз гомерен биргән булып чыга, диелә бу хәбәрдә.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла