Биш кеше утырган иномарка 160 км/сәг тизлектә килеп полиция пунктына, ике машинага бәрелгән

25 мартта иртәнге якта Брянск шәһәренең Красноармейский урамында Hyundai Solaris машинасы зур тизлектә килеп кроссоверга бәрелгән. Шуннан соң ул стационар полиция пунктына килеп кергән, аннары тагын бер җиңел автомобильне бәрдергән. Фаҗига урыныннан кадрларны «Вести» каналы күрсәтте.

Шаһитлар сүзләренчә, машина 160 км/сәг чамасы тизлектә «очып килгән». Авариядән соң автомобильнең спидометры шундый саннарда туктап калган. Иномарка үзе тимер өеменә әверелгән. Hyundai Solaris салонында биш кеше булган.

Рәсми мәгълүматлар буенча, авариядә дүрт кеше һәлак булган. Hyundai Solaris салонындагы өч пассажир һәм машина йөртүче үзе урында ук җан биргән. Тагын өч кеше җитди имгәнгән, аларны хастаханәгә озатканнар.

Фаҗига булган урамны берничә сәгатькә ябып торганнар.