"Бик куркам, мондый авырту тойганым юк иде": Айгөл Фазыйлованың үпкәләренә сыеклык җыелган

9 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Солтан Исхаков
Яман шештән интегүче Айгөл Фазыйлованың хәле начарланган, ул үзе өчен дога кылырга сорый. Бу турыда Айгөл инстаграмдагы сәхифәсендә язды.

Айгөл хастаханәдә төшкән фотоларын куйган. Аның тәненнән көпшәләр чыгып торганы күренә. Айгөлнең үпкәсеннән сыеклык һәм һава агып тора.

"Шундый фотолар куйганыма гафу итегез инде. Бүген көч җыеп, сезгә язарга булдым. Миңа сезнең ярдәм кирәк. Зинһар өчен минем хакка дога кылыгыз", - дип ялвара Айгөл.

"Минем хәлем начарланды. 5 сентябрьдә химия терапиясенә яттым. Икенче көнне КТ һәм рентген ясадылар. Минем үпкәләремдә һава булуы ачыкланды. Мине тиз генә башка бүлеккә күчерделәр. Үпкәләрдән сыеклыкны һәм һава суырта башладылар. Белсәгез иде, бу шундый авырттыра. Бу көпшәне ничек иттереп кабырга арасына тыгып куйганнарын белсәгез иде. Аңалата алмыйм хәтта. Мин тынычлана алмадым, көн буе, төн буе еладым. Шуннан соң авыртуны баса торган дару бирделәр. Мин хәзер дә шушы көпшә белән утырам, аннан сыеклык һәм һава чыга. Кадерлеләрем, Аллаһтан сорагыз инде минем өчен, зинһар сорагыз. Мин куркам. Икенче яктан да шундый көпшә куярга җыеналар. Әлегә көтәбез", - дип яза Айгөл.

Ул бик куркып калган икән. "Моңарчы болай курыкканым юк иде әле. Инде никадәр әйбер уздым, тик бу кадәр куркыныч булмаган иде. Әлеге процедурадан соң бик куркып калдым. Минем өчен сорыйк, дога кылыйк, авыртуларым җиңеләйсен иде, зинһар", - ди Айгөл.

Инстачылар бератавыштан Айгөлне юата, аңа сәламәтлек тели.

  • Рөстәм Миңнеханов алты яшьлек Әмиргә һәм аның яман шеш белән авыручы әнисенә ярдәм итәргә кушты, дип хәбәр иткән идек.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла