"Берсе янына килдем, зәңгәрләнә башлады, пульсы бар иде". М5 трассасында авариядә 26 яшьлек игезәк туганнар һәлак булган

15 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
23 һәм 24 яшьлек ике кыз авыр хәлдә хастаханәдә ята.

14 февральдә Чиләбе өлкәсендә М5 трассасында «Лада» автомобиле йөк машиналарына бәрелгән. Авариядә ике егет — игезәк туганнар үлгән. Бу турыда Чиләбе өлкәсе сайты хәбәр итте.

Башлангыч версия буенча, «Лада Калина» машинасы каршы як полосага чыккан һәм йөк машинасына бәрелгән. Шуннан соң җиңел машина очып китеп, яннан барган икенче йөк машинасына бәрелгән.

«Лада» салонында дүрт кеше булган. 26 яшьлек ике ир-ат үлгән. 23 һәм 24 яшьлек ике кыз авыр хәлдә хастаханәдә ята. Йөк машиналарын йөртүчеләр имгәнмәгән. Бу турыда Чиләбе өлкәсе буенча ЮХИДИ хәбәр иткән.

Урынга килеп җиткән ашыгыч ярдәм табиблары имгәнүчеләрнең барысын да алып киткән. Ике кешене коткара алмаганнар. «Лада» йөртүчесе хастаханәгә барышлый җан биргән, пассажир ир-ат исә реанимациядә үлгән. Соңрак бу кешеләрнең игезәк туганнар булуы ачыкланган.

Һәлакәт аркасында барлыкка килгән бөкегә эләккән  автомобильчеләр имгәнүчеләргә ярдәм итәргә тырышкан.

«Мин берсе янына килдем. Ул авыр сулыш ала иде, зәңгәрләнә башлады, пульсы бар иде. Эченә кан сауганын аңлап алдым, берни дә эшли алмадым. Кан эчендә яткан егет янына бардым — сулыш алмый, пульсы да юк. Реанимация ясап карадым. Кешеләр ярдәм иттеләр. Сулыш алуын кайтардык, йөрәге тибә башлады. Мин аның янында утырдым. Тончыкмасын өчен тырыштым. Имгәнгән кызга урыннан кузгалмаска куштык. Ул торырга маташты, кычкырды. Тезләрем туңа башлагач, мин егет янына яттым, корсагына ятмасын, сулыш алсын өчен тырыштым. Ир-атлар машина йөртүчегә ярдәм итте. Мин аның сулыш алуын күзәттем», — дип сөйләгән «Фейсбук»тагы битендә «Искорка» хәйрия фонды вәкиле Вера Касаткина.

Чиләбе өлкәсе буенча Сәламәтлек саклау министрлыгы хәбәр иткәнчә, авариядә исән калган кызлар хастаханәдә ята. Аларның хәле катлаулы.

Фаҗига урыныннан видео «Инцидент Миасс» төркемендә чыкты.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла