Бер хуҗаның өч сыерын атып үтергәннәр

Башкортстанда йорт хайваннарын вәхшиләрчә үтерүне дәвам итәләр. Шушы көннәрдә Шаран районында көтүдә утлап йөргән өч сыерны атып үтергәннәр. Бу турыда «Башинформ» агентлыгы хәбәр итте.

43 яшьлек хатын полициягә мөрәҗәгать итә. Ул үзенең өч сыерын атып үтерүләрен әйтә. Әлеге вакыйгадан соң, 70 яшьлек ир-атны полициягә китерәләр. Хәзерге вакытта полиция хезмәткәрләре әлеге хәлнең сәбәпләрен ачыклый. Бу турыда Башкортстан Эчке эшләр министрлыгы матбугат хезмәтендә сөйләгәннәр.

• Башкортстанның Нуриман районында атлар көтүен мылтыктан атып киткәннәр иде.