Бер хатынны урам уртасында вәхшиләрчә үтергән мизгел видеога эләккән

2 апрель кичендә Мәскәүнең Кутузов проспектында коточкыч җинаять кылына. Билгесез ир-ат 57 яшьлек хатынны урам уртасында берничә тапкыр пычак белән кадап үтерә. Пенсионер хатын урында ук һәлак була. Үтерүче качып өлгерә. Җинаять мизгелен күзәтү камералары төшереп ала. Үтерүченең сурәте дә видеога эләгә. Бу турыда "МК" сайты хәбәр итте.

Хокук саклаучылар җинаятьчене эзли. Мәскәү буенча Тикшерү идарәсе хәбәр иткәнчә, бик күп тапкыр пычак кадалган 57 яшьлек хатын-кыз мәете табылганнан соң, җинаять эше ачылган. Тикшерүчеләр үтерүченең шәхесен ачыклый.

Россия Тикшерү комитетының Твиттердагы аккаунтында шушы җинаять видеосы чыкты. Видеодан күренгәнчә, җинаятьче корбанына берничә тапкыр пычак белән суга, шуннан соң качып китеп бара. 

Матбугат чаралары мәрхүмә хатынның исемен Карина В. дип язды. Ул Крылатское һәм Фили-Давыдково районнары идарәсендә эшләгән булган. Соңгы вакытта бу хатын активист булып, гаделсезлек белән көрәшкән.

По факту убийства женщины на западе Москвы возбуждено уголовное дело 

Подробности: https://t.co/IHSe4DFVrV pic.twitter.com/x7BwjsyGeJ

— Следственный комитет (@sledcom_rf) 3 апреля 2019 г.

Җинаятьче һөҗүмгә алдан әзерләнгән дип фаразлана. Ул башына капюшон кигән, йөзен медицина маскасы астына яшергән. Бу кеше корбаның йөрәгенә һәм аркасына күп тапкыр пычак кадаган.

Имгәнгән хатынны коткара алмаганнар.