Бер ир-ат коймак ашап үлгән

12 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Владимир шәһәрендә май чабу бәйрәмендә коймак ашау бәйгесендә катнашкан ир-ат үлгән. Бу турыда "Известия" газетасы язды.

Бу фаҗига шәһәрдә бәйрәм гөрләп торганда булган. Коймак ашауда рекорд куярга алынган 45 яшьлек ир-атның кинәт хәле бетә һәм ул җиргә ава. Тирәсендәге кешеләр аңа ярдәм күрсәтергә тырышып карый. Ул арада "ашыгыч ярдәм" килеп җитә һәм ир-атның үлемен раслый.

- Коймак ашау бәйгесенең нәтиҗәләрен игълан иткәч, ир-ат читкәрәк китте һәм үлде. "Ашыгыч ярдәм" бик тиз килде, әмма медиклар аны коткара алмады, - дип сөйләгән "Российская газета"га Россия Тикшерү комитеты вәкиле Ирина Минина.

Хәзер ир-ат үлемен судмедэкспертлар тикшерә. Ул коймак белән тончыгып үлгәнме, әллә башка сәбәпләр аркасындамы икәнен табиблар ачыклаячак.  "Ул бик күп коймак ашаган", - дип кенә өстәгән Ирина Минина. 

Владимир шәһәре мэриясендә бәйрәм мәйданында булган хәлне расламаганнар, бездә андый эксцесслар булмады, дигәннәр.



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла