Бер ир-ат башкала паркларында хатын-кызларның йөрәгенә пычак кадап үтереп йөргән

3 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Мәскәүдә хатын-кызларны үтереп йөрүче Бахтиёр Матякубовка хөкем карары чыгардылар. Бу кеше калган гомерен аеруча каты режимлы колониядә уздырачак. Башлангыч тикшерү вакытында ук бу җинаятьче биш хатынны үтергәнен таныган. Шуңа күрә аңа хөкем карарын аерым тәртиптә билгеләгәннәр. Бу турыда «Вести» каналы хәбәр итте.

46 яшьлек Бахтиёр Матякубов барлык җинаятьләрен дә 2015 елның гыйнварыннан апреленә кадәр аралыкта эшләгән. Ул Мәскәү паркларында хатын-кызларны эзәрлекләп йөргән һәм кеше булмаган урында һөҗүм иткән. Корбаннарын шунда ук үтерерлек итеп, пычак белән кадаган.

Корбаннарның берсе 35 яшьлек хатын була. Ул эте белән паркта йөри. Матякубов аның йөрәгенә пычак белән ике тапкыр кадый. Җинаять кылганнан соң, бу ир-ат чит илгә чыгып кача. 

Тикшерүчеләр хатын-кызларны үтереп йөрүченең шәхесен ачыклый. Матякубовны чит илдә 2017 елның декабрендә тоткарлыйлар һәм Мәскәүгә кайтаралар.

Сорау алганда Матякубов гаебен таный. Суд барышында экспертлар ачыклаганча, Матякубовта эмоциональ тайпылышлар бар. Ул хатын-кыз җенесенә карата аеруча тискәре мөнәсәбәттә булган, шуңа күрә үтереп йөргән.

ТАСС агентлыгына Мәскәү буенча Тикшерү идарәсе вәкиле Юлия Иванова сөйләгәнчә, Үзбәкстанда туган Бахтиёр Матякубов хатын-кызларны кибеттә күреп ала, аннары эзеннән бара. Кеше йөрми торган урыннарда, паркларда салкын корал белән һөҗүм итә.

Матякубовның үзенчәлекле «эзе» була — ул корбанын шунда ук үтерерлек итеп суга. Тикшерүчеләр аның яшәгән урынын ачыклагач, канлы киемнәр табыла. Аларда мәрхүмә хатын-кызларның каны булуы ачыклана. Тик җинаятьче качып өлгерә. Аңа халыкара эзләү игълан ителә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла