Башкортстанда яшәүче ир, авыл җирлеге башлыгына һөҗүм итеп, 6 миллион сум акча таләп иткән

9 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
 51 яшьлек ир-ат Чишмә авыл җирлеге башлыгын үзгаражында бикләп куя һәм түрәнең абыйсыннан алты миллион таптыра.

Башкортстанның Чишмә районында яшәүче 51 яшьлек ир-атка карата хөкем карары чыгардылар. Ул район һәм авыл җирлеге башлыгы булып эшләүче абыйлы-энеле ике түрәгә һөҗүм иткән. Суд бу ир-атны «законсыз рәвештә корал куллану», «бер яки кешегә карата корал кулланып, кешене ирегеннән мәхрүм итү», «корал кулланып, аеруча зур күләмдә талау» маддәләре буенча гаепле дип тапкан. Аны ун елга ирегеннән мәхрүм иткәннәр. Бу турыда bash.news хәбәр итте. 

Башкортстанның Югары суды матбугат хезмәте хәбәр иткәнчә, вакыйга узган елда ноябрь аенда була. 51 яшьлек ир-ат Чишмә авыл җирлеге башлыгын үз гаражында бикләп куя. Ул җирлек башлыгын бирегә үзе чакырып китерә: паровоз-мич ясаганын әйтә һәм шуны карарга чакыра. Шуннан соң бу кеше түрәгә револьвер тери. Шарф эченә яшерелгән тросны түрәнең муенына сала. Үзенең барлык гамәлләрен дә видеога төшереп бара. Шуннан соң җинаятьче корбанының биленә бомба макеты беркетеп куя. Корбанын үзе белән ияртеп, Чишмә районы башлыгы өенә китә. Җинаятьче ир-ат корал белән куркытып, алты миллион акча таләп итә.

Шул ук көнне район башлыгы танышларыннан бер миллион сум чамасы акча җыя. Акчаны җинаятьчегә тапшыра. Икенче көнне түрә тагын 1,7 миллион сум табып, җинаятьчегә илтеп бирә. Җинаятьче корбаннарын иреккә чыгара һәм полициягә мөрәҗәгать итүдән тыя. Берничә көннән соң гына түрәләр әлеге вакыйга турында хокук саклау органнарына хәбәр итә.

51 яшьлек ир-ат хөкем карары белән килешми. Апелляциягә бирә. Дәүләт гаепләүчесе хөкем карарының гадел булуын исбатлый. Бары тик мич-паровоздан гына арест алына.

Республиканың Югары суды апелляция шикаятен кире кага. Җинаятьче каты режимлы төзәтү колониясенә озатыла.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла