Башкортстанда бер хатын-кыз үзенә һөҗүм иткән ир-аттан аның машинасын алып китеп котылган
Башкортстанда бер хатын-кыз үзенә һөҗүм иткән ир-аттан аның машинасын алып китеп котылган
Башкортстанда бер хатын-кыз үзен көчләргә җыенган ир-аттан котылу чарасын тапкан - аның машинасына утырып киткән. Бу хакта Тикшерү комитетының республика буенча идарәсе хәбәр итә.
"Әмма хатын-кыз каршылык күрсәтә һәм ир-атны шәһәргә китәргә күндерә, шунда аның белән интим мөнәсәбәткә керергә вәгъдә бирә. Ир-ат машинага бензин салырга дип килеп туктагач, хатын-кыз рульгә күчеп утыра һәм Стәрлетамакка китеп бара, анда исә полициягә мөрәҗәгать итә", - диелә хәбәрдә.
ГИБДД инспекторлары бу ирне Стәрлетамактагы сәнәгать предприятиеләренең берсендә тоткарлый. Ир-ат полициягә каршылык күрсәтә, бер полиция хезмәткәренә кирпеч белән суга. Нәтиҗәдә полиция ирнең аягына атарга мәҗбүр була.
Шулай итеп, 32 яшьлек ир-атны кулга алалар. Ул чит илдән килгән кеше булып чыга, аңа хатын-кызны көчләмәкче булганы өчен һәм полиция хезмәткәренә каршылык күрсәткәне өчен ике җинать эше ачыла.