Банктан миллионнар урлауда шикләнелүче Луиза Хәйруллина туганнарының Малахов тапшыруына баруын ошатмаган

10 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: "Россия1" каналы видеосыннан скриншот
Башкортстандагы "Россельхозбанк"тан 20 миллионнан артык акча урлауда шикләнелүче Луиза Хәйруллина һәм аның ире Марат үзләре турындагы барлык хәбәрләрне дә укып, карап барган. Бу турыда "Башкортстан" телевидениесенә Хәйруллиннар гаиләсенең бер туганы сөйләгән. 

Марат, Салават шәһәренә кайткач, туганнарын тәнкыйтьләгән. Ул туганнарының "Россия 1" каналына барып, Андрей Малаховның "Туры эфир" тапшыруында катнашуын ошатмаган. 

Качкан гаиләнең туганнары, хезмәттәшләре, дуслары һәм журналистлар июнь башында Андрей Малахов тапшыруында катнашты. Алар Хәйруллиннарның качуы турында фикерләрен әйтте, биредә төрле версияләр, фаразлар яңгырады. Якыннары Хәйруллиннарның урланган акчалар белән кая китеп баруын аңларга тырышты. 

Марат Хәйруллин бүген бүген Малахов тапшыруында катнашырга тиеш иде. Әмма ул бу тапшыруда катнаша алмады. Аны бүген Уфа аэропортында кулга алганнар.


Хәйруллиннарның туганы сүзләренчә, тапшыруда катнашу Маратка да, Луизаның үзенә ошамаган.

Бүген Хәйруллинар гаиләсе турында яңа хәбәр чыкты. “Гаилә башлыгы кичәдән бирле элемтәгә чыкмый. Аны хокук саклаучылар эзли. Бу ир-ат кичә полициягә килеп, күренергә тиеш булган, ләкин ул анда бармаган. Марат хәзер Мәскәүгә баруы ихтимал. Башкалада ул федераль ток-шоуга катнашу өчен киткән булырга мөмкин”, дип хәбәр итте “Башкортстан” каналы үз чыганагына сылтама белән. 

РИА Новости Луизаның ире - Марат урланган миллионнарны азарт уенда оттырып бетергән дип хәбәр итте. "Хәзер ул Мәскәүгә телевидениегә бара, аны тапшыруга чакырганнар. Марат, банкка кайтару өчен, Россия халкыннан акча җыеп бирергә сорый. Ул хатынының төрмәгә утыруын теләми", диелә бу хәбәрдә. 

Луиза Хәйруллинаның ире, хатынын утыртмасыннар өчен, халыктан акча җыю оештырырга ниятли, дип язган идек.
 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла