Балык Бистәсендә сөйгән кызын кыйнап үтерүчене хөкем иттеләр

11 июньгә каршы төндә Балык Бистәсе авылында Роберт Равзутдинов исемле ир-ат 30 яшьлек сөйгән кызы белән табын корып утыра. Шул чакта хатын Робертка хыянәт иткәнен әйтә. Ир-ат хатынны куллары белән кыйный, аннары тузан суырткычның металл торбасын алып, кыйнавын дәвам итә. Каты яраланган хатын урында ук үлә. Бу турыда Россия Тикшерү комитеты матбугат хезмәте хәбәр итте.

Россия Тикшерү комитетының Татарстан буенча Тикшерү идарәсе туплаган дәлилләр нигезендә, суд 28 яшьлек Роберт Равзутдиновны гаепле дип тапкан. Аны ун елга каты режимлы колониягә озаталар.