Балалар Кыш Бабайдан уенчык сорамый: Түбән Камада дүрт балалы гаилә могҗиза белән исән калган

7 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: НТР
Гаиләнең барлык әйберләре, документлары янып беткән. 

Түбән Кама районында дүрт балалы гаилә йорт-җирсез калган. Смыловка авылында ике гаилә яши торган йортта янгын чыккан һәм каралты-кураны көлгә калдырган. Бу турыда НТР каналы хәбәр итә.

Гаиләнең барлык әйберләре, документлары янып бетә. Алар могҗиза белән генә исән кала. Әти кеше төтен исен сизеп алган һәм балаларын коткара алган.

Янгын бөтен кеше дә каты итеп йоклаган вакытта башлана. Җылырак булсын өчен, алар барысы да бер бүлмәдә йокларга ята. Владимир, аның хатыны, балигъ булмаган ике бала, олы кызлары һәм өч оныгы — бер бүлмәдә була. Төнге икеләр тирәсендә Владимир пластмасса эрегән ис сизеп ала.

«Мин чарлакка мендем, аны төтен баскан, почмакта ялкын дөрләп ята. Чиләк алырга дип чаптым. Миңа барысын да коткарырга кирәк бит», — дип искә ала Владимир.

Шөкер, барысы да исән кала. Балалар үзләре урамга йөгерешеп чыгып бетә. Өсләрендә ни булса, шуның белән калганнар. 

Янгын сүндерүчеләр килгәнче, авылдагы бар халык утны сүндереп маташа. Янгын сүндерергә өч машина килә. Алар килгәндә йорт тулысынча янып ята инде. Ут яндагы корылмаларга да күчә. Сарайларда кәҗәләр, дуңгызлар, куяннар һәм казлар була. Аларның барысын да коткарып калалар.

14 яшьлек Тамара һәм аның 10 яшьлек энесе, аларның әнисен туганнары сыендырган. Олы кыз Серафима һәм ике баласы тулай торактагы апаларында яшәп тора.

Янгын чыккан гаилә үзләренә ярдәм иткән Түбән Кама кешеләренә рәхмәт әйтә. Канцтоварлар, дәреслекләр, дәфтәрләр — барысын да Тамара һәм аның энесе Тимофей укый торган Сухарево мәктәбендә җыеп биргәннәр. Сухарево авыл җирлеге матди ярдәм күрсәтергә ышандырган.

Бу гаиләгә төзелеш материаллары, көнкүреш техникасы кирәк. 1, 5, 10 һәм 14 яшьлек балаларның өс киемнәре дә юк. Шулай ук 48–50 үлчәмдәге хатын-кыз киемнәре, 52 үлчәмдәге ир-атлар киеме дә кирәк. Алар барысы да янгын вакытында өсләрендә булган кием белән генә калган. Балалар Кыш Бабайдан уенчыклар түгел, ә көндәлектә кирәк әйберләр сорый, диелгән әлеге хәбәрдә.

Ярдәм итәргә теләүчеләр өчен телефон: 8 (953) 407-15-18.

Фикерләр








Хәвеф-хәтәр

2018 ел югалтулары: быел мәдәният дөньясында кемнәрне югалттык

Узып баручы ел мәдәният өчен зур югалтулар алып килде. Танылган режиссерлар, актерлар, музыкантлар, язучылар якты дөньядан китте, дип яза РИА Новости.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла