Балалар бакчасындагы Яңа ел бәйрәмендә Кыш бабай үлгән
Балалар бакчасындагы Яңа ел бәйрәмендә Кыш бабай үлгән
Фаҗига Кемероводагы балалар бакчасының берсендә узган Яңа ел бәйрәмендә ("утренникта") була, дип хәбәр итә Интерфакс.
Кыш бабай булып киенеп килгән 67 яшьлек ир үзен начар хис итә башлый. Ул күкрәге тирәсендә кисәк көчле авыру тоюын әйтә. Ашыгыч ярдәм килеп җиткәндә ул инде үлгән була.
Соңрак Кыш бабай булып киенгән кешенең Россиянең атказанган артисты Валерий Титенко икәнлеген хәбәр иттеләр. Күптән түгел ул йөрәгенә катлаулы операция ясаткан була. Валерий Титенко - Кузбасс музыкаль театры артисты. Театрның матбугат хезмәте хәбәр иткәнчә, ул 1986 елдан бирле шушы театрда эшләгән.
Титенко аеруча комедияле рольләрне башкарырга яраткан. Соңгы елларда авырса да, оныгы йөргән балалар бакчасына Кыш бабай булып килә торган була. Ул ата-аналар комитеты эшендә актив катнашкан һәм балалар бакчасына булышкан.
Артист белән 20 декабрьдә хушлашачаклар.