Бала яралгысы белән эксперимент ясаган галимне үлем җәзасы көтә

10 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
ДНКсы үзгәртелгән эмбрионнан игезәк кызлар дөньяга килгән.

Кытайда бер галим бала яралгысының геномын үзгәртү буенча эксперимент ясадым дип сөйләгән. Хәзер аңа үлем җәзасы бирүләре ихтимал. Бу турыда РЕН ТВ каналы хәбәр итте.

Хе Цзянькуй исемле галимне декабрь аенда Шэньчжэнь шәһәрендә сак астына алганнар. Физикка карата ришвәтчелек, коррупция буенча тикшерү бара. Ә болар өчен Кытайда үлем җәзасы бирәләр.

Галим фәнни конференцияләрдә сенсацияле чыгышларыннан соң юкка чыга. Ул ВИЧ белән авыручы ир һәм аның хатыны күзәнәкләреннән барлыкка килгән эмбрионнарның геномын үзгәрттем дип раслый. Бу эшен ул балалар ВИЧ йоктырмасын өчен эшли. Экспериментларның төгәл нәтиҗәләрен галимнең хезмәттәшләре дә белми, диелгән әлеге хәбәрдә.

Цзянькуй геном белән экспериментлары өчен 50 мең доллар чамасы акча алган. Аның бу экспериментларны финанслау өчен үз акчасын тотмавы да билгеле. The Telegraph басмасы хәбәр иткәнчә, физик Цзянькуй үз экспериментлары вакытында хезмәттәшләренең дә ярдәмен файдаланырга тиеш булган.

Моңа кадәр Кытай галиме ДНКсы редакцияләнгән балалар тууы турында сөйләгән. Аның сүзләренчә, ул җиде парның эмбрионын үзгәрткән. Бер очракта гына хатын-кыз авырга узган. Шуннан соң үзгәртелгән ДНКлы игезәк кызлар туган. Галим максаты — балаларны ВИЧ авыруыннан саклау булуын әйткән.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла

ИНТЕРТАТ
Яндекс.Дзенда
Язылу
×