"Бөтенебез дә үлеп бетәбез": Татарстаннан килә торган машина Самара өлкәсендә авариягә очраган

26 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Михаил Захаров
23 августта М5 трассасында Сызрань шәһәре тирәсендә җитди авария була. "Вольво" йөк машинасы һәм "Тойота" җиңел автомобиле бәрелешә. "Тойота" каршы як полосага чыга һәм фурага килеп берелә. Бу турыда КТВ-Луч каналы хәбәр итте.

"Вольво" машинасында Татарстан номерлары, "Тойота"да Коми номерлары була. Җиңел машина Самара ягына таба хәрәкәт иткәндә, алдан барган машинаны узарга чыга.

КТВ-Луч телеканалы хәбәрчесе "Вольво" машинасында барган пассажир хатын-кыз белән аралаша. Ул - йөк машинасын йөртүче ир-атның хатыны.

"Безнең каршыга "Тойота" килеп чыккач, кычкыра башладым. "Хәзер бөтенебез дә үлеп бетәбез", - дидем", - дип сөйли бу хатын-кыз. Алар ире белән бергә Казаннан Кырымга баралар. Бу фурада кер юу порошогы була. 
 
 

Авариягә очраганчы, бераз алданрак ир белән хатын ашарга туктала. Шуннан соң трассага чыгалар һәм җиңел машина белән бәрелешәләр.

Йөк машинасына бәрелгән "Тойота"ны йөртүче хатын-кыз имгәнгән. Аңа урында ук ярдәм күрсәткәннәр. Аның иминлек мендәрләре ачылган, алар хатынның гомерен саклап калган.

Авария урынында берничә километрга сузылган бөке барлыкка килгән.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла