Асрамага алган баласын баганага бәйләп куйган үги ананы хөкем итәләр

19 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Савелевларның гаилә альбомыннан, RT
Ярославль өлкәсендә асрамага алган баланы баганага бәйләп куйган ата-ананы хөкем итәчәкләр.

Юрьевское авылында яшәгән Щавелевлар гаиләсе ике үз баласын тәрбияли һәм 5 баланы асрамага ала. Шуларга өстәп, биш яшьлек малайны да тәрбиягә алалар. 

Күпмедер вакыттан соң малайның чын әнисе опека органнарына дәгъва белән килә. Дәлил итеп ул фото күрсәтә - малайны баганага бәйләп куйган булалар. Опека органнары Щавелевлар гаиләсендәге барлык асрамага алынган балаларны кире приютка кайтара. Әмма авылдашлары Щавелевларны яклап чыга. Бу хакта RT каналы яза. 

Светлана Щавелева малайны баганага бәйләп куюын таныган. Үги ана әйтүенчә, малай тыңлаусыз булган, конфет таптырып, өйнең астын өскә китергән. "Без конфет ашамыйбыз, ул тәм-том гына буларак кулланыла. Ә аның гел конфет ашыйсы килә, бирсәң туктамый. Аннары аның ашказаны авырта, симерә", - дип аңлаткан ул. Гаиләдә физик җәза бирү тыелган булган. Малайга җәза бирү өчен почмакка бастыра алмаганнар, шуңа күрә бәйләп куя торган булганнар. 

Малайның үз әнисе Оксана баласыннан баш тартуын инвалид булуы белән аңлата - имеш, ул аны карый алмаган. Оксананың баласын бер гаиләгә тәрбиягә бирәләр, әмма аннары кире алалар - малайның тәнендә күгәргән эзләр була. Асрамага алган гаиләне баланы кыйнауда гаеплиләр, тегеләр исә малайның тыңлаусыз булуын әйтеп зарлана. Опека органнары тәҗрибәле гаилә эзли башлый. Щавелевларны табалар һәм тагын бер баланы алырга күндерәләр.

Баланы Щавелевларга биргәч, Оксана аларга рәхмәтле булуын әйткән, чынлыкта үзенең баланы  тыңлата алмый яшәвен сөйләгән. 

Оксананы Щавелевлар үз йортларына керткән, кунак иткән. Ул баласы белән күрешергә теләвен әйткәч, тәрбиягә алган әти-әни аңа каршы килмәгән була. Опека органнары исә Оксананы үз теләге белән баш тарткан баласына якын җибәрмәскә киңәш иткән була. Әмма Щавелевлар баланы үз әнисе белән аралашудан тыймыйбыз дигән принцип буенча эш йөрткән. Кунакта булган Оксана бәйләп куелган баланы фотога төшерә. 

Хәзер Светланага каршы җинаять эше кузгатылган.

Светлананың ире Андрей Щавелев Оксананың бу гамәлен "билдән түбән сугу" дип бәяләгән. 

Авылда исә Щавелевларны яклап чыкканнар. Чиркәү побы отец Сергий гаиләне яхшы белүен һәм аларның бик тәрбияле булуын, ә бу биш яшьлек малайның тыңлаусыз булуын әйткән. "Чиркәүгә кереп, бөтен җирне актарып йөри иде. Аның тамагы тук, ә һәрвакыт ашарга сорый", - дигән ул. 

Щавелевлар исә бала үзләренә кире кайтыр дип өметләнә. 

Бала үз әнисе белән


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла