Арчада 18 бала билгесез матдә сулап агуланган
Бер бала алып килгән хушбуй исеннән башкаларның хәле киткән.
Бүген Татарстанның Арча районында 18 яшүсмер бала билгесез матдә белән агуланган. Бу хакта "
"Балалар билгесез матдә сулап агуланган. 16 бала хастаханәдә. Аларны табиблар күзәтеп тора", — дип сөйләгәннәр министрлыкның матбугат хезмәтендә.
Барлык балаларның да хәле уртача авырлыкта дип бәяләнә. Хәзерге вакытта табиблар аларның хәлен стабильләштергән. Авыруларны гадәти балалар палатасына күчергәннәр.
"Татар-информ" үз чыганакларына сылтама белән хәбәр иткәнчә, балаларның берсе хушбуй алып килгән. Бу бала хушбуйны интернет-кибеттән алган булган. Иптәшләре янында шуны сиптергән. Яшүсмер балалар әлеге исне сулап, үзләрен начар хис итә башлаган.
Бу хәлне Татарстанның Сәламәтлек саклау министры Марат Садыйков үз контроленә алган.