Җырчы Анита Цой хастаханәгә эләккән
Россия эстрадасы йолдызы Краснодарда авырып киткән.
Анита Цой дүрт концертын кичектереп торган. Бу турыда РЕН ТВ хәбәр итте.
Концертлар буенча вәкиле аның сәламәтлеге турында сөйләгән.
Җырчының вәкиле сүзләренчә, Анитаның сәламәтлеге уртача авырлыкта дип бәяләнә. "Операция ашыгыч дип әйтеп булмый. Ләкин аны ясамый калып булмый. Ул планлы түгел. Җырчыга төгәл диагноз әлегә куелмады", - дип сөйләгән ул.
Cоңрак Анита Цой тамашачыларга үзе мөрәҗәгать итте. "Кызганычка каршы, Уфа, Яр Чаллы, Самара һәм Казанда концерт булмый, алар кичектерелә. Гафу итегез. Мине хастаханәгә салдылар", - ди җырчы.
Якын арада аны Мәскәүгә алып кайталар, диелгән РЕН ТВ хәбәрендә.