Анастасия Заворотнюк яман шеш белән авыруы турында хәбәрне кире какмаган

4 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://www.instagram.com/a_zavorotnyuk, скриншот
48 яшьлек актриса Анастасия Заворотнюк яман шеш белән авырый дигән хәбәрләр матбугат чараларында таралган иде. Актриса үзе бу сүзләрне кире какмаган. Бу турыда "КП-Екатеринбург" хәбәр итте. 

Басма хәбәрчесе Анастасия Заворотнюкка телефоннан шалтыраткан. Гадәттә яңгыравык һәм күңелле тавышлы актрисаның сөйләме авыр булган. Аның тавышы "бик нык авыручы кешенеке кебек карлыккан", диелгән бу хәбәрдә.

Актриса сәламәтлеге турындагы сорауларга җавап бирмәгән. Телефонны алгач, "Әйе, бу Настя Заворотнюк, сезгә ни кирәк", - дип сораган ул. 

"Сез авырый дигән хәбәрләр таралды. Бу дөресме?", - дип сораган хәбәрче.

Шуннан соң Заворотнюк дәшми торган.

"Сез хәзер берәр чарада катнаша аласызмы?" - дип сораган хәбәрче.

"Юк, әлегә юк", - дигән Анастасия һәм телефон трубкасын куйган.

Матбугат чаралары Анастасия Заворотнюк өченче баласын тапканнан соң, яман шеш белән авырый башлаган дип язды. Актрисаның баш миендә яман шеш үскән, дип фаразлыйлар. Заворотнюк театрдагы спектакльләрен кичектергән, яңа фотоларын социаль челтәрләргә куймый.  Ул инде күптән тамашачы каршында күренми. "Все мужчины делают это" спектаклендә катнашмый. "Авыру сәбәпле катнашмый", диелә.

Бер ай элек Анастасия инстаграмдагы сәхифәсенә хәбәр куйган. Аның ире 48 яшьлек Петр Чернышов Ялтага шоуда катнашу өчен киткән. "Без сине Мила белән (11 айлык кызы) өйдә көтәбез", - дип язган Заворотнюк.

Шуннан соң аның тамашачысы да борчыла башлаган. Шулай да артистның концерт директоры Стас Христов гайбәтләрне кире кага, диелә бу хәбәрдә.

Анастасия Заворотнюк МХАТ мәктәбен тәмамлаган, Олег Табаков җитәкләгән театрда уйнады. Ул "Моя прекрасная няня" сериалы аша танылды. "Танцы со звездами", "Ледниковый период", "Хорошие песни" һәм башка тапшыруларны алып барды.

Анастасия Заворотнюкны беренче ире белән уртак ике баласы бар. Алар зур инде. 2008 елда актриса фигуралы шуучы Петр Чернышовка кияүгә чыкты һәм кыз бала тапты.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла