Алинә Кабаеваның бабасы вафат

9 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Танылган гимнастка, Олимпия чемпионкасы Алинә Кабаеваның бабасы Вазыйх Кабаев вафат. Бу хакта Фейсбукта Ташкент татарлары җәмгыяте вәкилләре хәбәр итә.  

Вазыйх Кабаев татар милләтеннән. Бөек Ватан сугышы ветераны булган. Аның Ташкент татарлары җәмгыятендә актив катнашканы билгеле. 

Вазыйх Кабаев танылган көрәшче булган, Үзбәкстанда көрәш федерациясен җитәкләгән. Улы Марат, Алинәнең әтисе, дөньякүләм танылган спортчы, хәзерге вакытта Россия мөселман эшмәкәрләре Ассоциациясен җитәкли. 

Алинәнең нәфис гимнастика белән шөгыльләнә башлавында бабасы хәлиткеч роль уйнаган. "Мин бер кызык факт белдем. Ташкентта булганда бабам белән сөйләшкән идем. Ул: "Ә син нәфис гимнастикага ничек эләккәнеңне беләсеңме соң?" дип сорады. Мин: "Әйе, әнинең мине нәфис гимнастикага бирәсе килгән", - дидем. Бабам ул вакытта спорт комитетында эшләгән. Безнең районда исә нәфис гимнастика мәктәбе булмаган, ә бабама бу төр спорт бик ошый торган булган. Шуңа ул гади мәктәптә нәфис гимнастика түгәрәге ачарга ярдәм иткән. Мин һәм туганнан туган апам шул секциягә йөри башладык. Шулай итеп, хәлиткеч рольне бабам уйнаган", - дип сөйләгән иде Алинә Кабаева бер интервьюсында.

Вазыйх Кабаевны соңгы юлга озату бүген 13 сәгатьтә булачак, ул Ташкентта җирләнәчәк.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла