30 ел мәктәптә эшләгән укытучы дәрестә бер баланы кайнар үтүк белән пешергән

3 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Воронеж өлкәсендә хезмәт укытучысын дәрестә укучы баланы үтүк белән пешерүдә гаеплиләр. Хәзерге вакытта әлеге вакыйганы полиция тикшерә. Бу турыда РИА Новости агентлыгы төбәк буенча Эчке эшләр министрлыгы вәкиле мәгълүматына сылтама белән хәбәр итте.

20 мартта Воронеж өлкәсенең Семилукский районында Землянский мәктәбендә гадәттән тыш хәл була. Хезмәт дәресе вакытында укучылар тәртипсезләнеп утыра. 30 ел мәктәптә эшләгән укытучы түземлеген югалта. Ул розеткадан үтүкне тартып чыгара һәм бер малайның аркасына тидерә.

Бу хәлдән соң баланың анасы полициягә гариза яза. Ул улының тәне пешкәнен хәбәр итә. Вакыйгадан соң укытучы эштән китү турында гариза бирә. Хокук саклау органнары һәм мәгариф департаменты тикшерү оештырган, диелгән бу хәбәрдә.

Әлеге мәгълүмат матбугат чараларында чыккач, Россия Тикшерү комитетының Воронеж өлкәсе буенча Тикшерү идарәсе тикшерү башлаган.

«Матбугат чараларында хәбәр ителгәнчә, 20 мартта Воронеж өлкәсенең Семилукский районында Землянский мәктәбендә технология укытучысы 12 яшьлек малайны үтүк белән пешергән. Бала 1–2 дәрәҗәдә пешкән. Имгәнгән баланың әнисе сүзләренчә, укытучы аны махсус пешергән: ул үтүкнең шнурын розеткадан йолкып алган, бала янына килгән һәм үтүкне аның аркасына терәп, пар чыгарган», диелгән Тикшерү комитеты хәбәрендә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла