21 яшьлек көнче кыз 44 яшьлек сөяркәсенең машинасын урлап киткән

19 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Стәрлетамак шәһәрендә 21 яшьлек кыз 44 яшьлек ир-ат янына кунакка килә. Төн урталарында алар икесе дә шактый гына салмыш була. Ир йокыга киткәч, кунак кыз аның телефонын ала һәм смс-хәбәрләрне укый. Бу ир исә тагын башка хатын-кыз белән дә хат язышканы ачыклана. Кунак кызы сөяркәсенең үз хатыны булуын да белә. Тик смс-хәбәрләр хатынга да түгел, гомумән башка кызга булып чыга. Әлеге вакыйга турында "Башинформ" агентлыгы хәбәр итте.

Көнче кунак кыз фатирдан ишегалдына чыга. Анда сөяркәнең машинасы куелган була. Җинаятьтә шикләнелүче кыз версиясе буенча, машина ачкычларын ир аңа үзе биргән. Ләкин ир-ат сүзләренчә, кыз ачкычларны куртка кесәсеннән үзе алган.

Машина йөртү таныклыгы да булмаган кыз автомобильне урыннан кузгатып алып китә. 15 метр баргач, ул башка машинага бәрелә, аннары торак йорт стенасына килеп керә. Әлеге вакыйганы машина хуҗасының дусты күреп тора, ул тиз арада аның хатынына хәбәр итә. Яшь сөяркә кыз исә авариядән соң өйгә кире керә. Биредә аны сөяркәсенең хатыны көтеп тора.

"21 яшьлек кыз исерек килеш машина йөрткән өчен 10 тәүлеккә тоткарланды. Машина урлап китү буенча җинаять эше ачылды", - дип аңлатканнар Башкортстан буенча Эчке эшләр министрлыгында.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла