20 яшьлек кыз, үсмер егет белән җенси мөнәсәбәтләргә кергән өчен, дүрт елга ирегеннән мәхрүм ителергә мөмкин

8 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: НТВ каналындагы тапшыруда кулланылган шәхси фотолар
Пермь крае Кунгур шәһәрендә 20 яшьлек кыз балигъ булмаган үсмер белән җенси мөнәсәбәтләргә кергән өчен хөкем ителәчәк. Җинаять кодексының 134 маддәсе буенча аны 4 елга ирегеннән мәхрүм итәргә мөмкиннәр. Бу хакта край буенча Тикшерү комитеты хәбәр итә.

Тикшерү комитеты хәбәр иткәнчә, 2016 елның көзендә 20 яшьлек кыз, 16 яше тулмаганын белә торып, 15 яшьлек үсмер егет белән җенси мөнәсәбәтләргә кергән. Тикшерү комитеты бу очрашуларның даими булуын һәм кыз тарафыннан көч яки басым кулланылмавын белдергән.

Пермь краенда бу беренче генә очрак түгел. 2016 елда Пермь суды 13 яшьлек үсмер егет белән җенси мөнәсәбәткә кергән өчен 19 яшьлек студентканы хөкем иткән иде. 

Үсмер малай ул чакта үз эченә бикләнгән кыз белән очраклы рәвештә танышуын һәм аны "кеше арасына чыгарам" дип кызганып йөри башлап, мөнәсәбәтләренең җитдиләнүе хакында сөйләде. Кыз кеше белән аралашмаган, урамга да чыкмаган. Алар бер-берсенә гашыйк була.

Кыз үсмер белән очрашып йөрүе хакында иптәш кызына сөйли, тегесе исә балигъ булмаганнар буенча эшләүче инспекторга җиткерә. 1 сентябрьдә медицина колледжына укырга кергән кызны 2 сентбярьдә кулга алалар һәм кеше үтерүдә гаепләнүчеләр белән бер камерага ябалар. Үсмернең әниләре полициягә язгач, кызны 3 елга ирегеннән мәхрүм иттеләр. 

Үсмер үзен корбан дип танырга теләми, журналистларга интервью бирә һәм кызны азат итүне сорый. Кызны судьялар коллегиясе карары белән азат итәләр. Бу хакта НТВ каналында тапшыру да чыкты.





  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла