19 яшьлек кыз суга батучы балаларны коткарганда һәлак булган

24 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Вологда өлкәсендә 19 яшьлек кыз суга батучы балаларны коткара һәм үзе һәлак була. Бу турыда Вологда сайты хәбәр итте.

21 июньдә Новленский авыл җирлегенең Жуково авылы янындагы Кубенский күле буенда фаҗига була. Вологда дәүләт университетында укучы студент кыз сулык янында ял иткәндә, суга батучы балаларны күреп ала һәм ярдәмгә ташлана.

19 яшьлек Елизавета Дружинина сөйгән егете Даниил белән күл буенда ял итә. Алар белән нәни балалар да була. Су коенган вакытта балаларны агым алып китә башлый. Агым сабыйларны тирән урынга сөйри.

Елизавета балаларга ярдәм итәр өчен суга керә. Ул аларны су өстенә этеп чыгарырга көч таба. Елизавета үзенең гомеренең соңгы мизгеленә кадәр нәни кызны су өстендә күтәреп тота. Алар янына бер балыкчы йөзеп килә. Бу ир-ат баланы коткара, ләкин Елизавета үзе батып үлә.

Вологда өлкәсе буенча Гадәттән тыш хәлләр министрлыгы Баш идарәсе матбугат хезмәте хәбәре буенча, кызның мәетен соңрак водолазлар табып ала. Аны хокук саклау органнарына тапшыралар.

Елизавета белән бергә булган егет Даниил бу вакыйга турында сөйли. Ул елгада бу урында тирән чокыр булуын беркем белмәде дип әйтә. Биредә яшәүче кешеләр бу чокырны бер эшмәкәр казыткан булуы ихтимал дип фаразлый. "Су коену урынына түләүсез кертмәс өчен, чокыр казыткандыр", диләр.

"Елизавета Дружининага бары 19 яшь. Ул филолог булырга укый. Лиза зур планнар кора. Кызның туганнары, дуслары, якыннары өчен бу фаҗига бик зур кайгы. Ул якты киләчәккә планнар төзеп яши, тик алар берсе дә тормышка ашмаячак инде", диелә бу хәбәрдә.

Мәрхүмә белән бүген Вологда дәүләт университетында хушлаштылар.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла