18 яшьлек егет 92 килограмм бәрәңге урлаган

Сыктывкар шәһәрендә аптырашта калдырырлык хәл булган. 18 яшьлек егетне 92 килограмм бәрәңге урлауда гаеплиләр. Ул бәрәңге сакланган урынга законсыз кергән һәм капчыкларны алып чыгып киткән. Җинаятьчене карда калдырылган машина номеры эзе буенча тапканнар, дип яза җирле басмалар.

Баксаң, егет, җинаять урынынан качам дип, ГАЗ-31029 машинасында кар көртенә килеп керә һәм көрттә машина номерыннан эз калдырганын сизми дә кала.

Егет, тоткарланганчы, бәрәңгенең күп кенә өлешен инде сатып өлгергән була. Калган 23 кило бәрәңгене полиция аннан йолып кала һәм хуҗасына кайтара.