"Закон каменных джунглей" сериалын төшергән 42 яшьлек режиссер Игорь Хомский һәлак булган

25 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Владимир Васильев
25 августта иртәнге алтылар тирәсендә Мәскәүнең Юрьев урамы чатында юл һәлакәте була. Каршеринг автомобиле туктап торган "Камаз" машинасына килеп  бәрелә. Җиңел машина белән идарә итүче 42 яшьлек Игорь Хомский һәлак була. Ул - танылган режиссер, Оскар премиясенә дәгъва иткән кеше. Бу турыда РЕН ТВ каналы хәбәр итте.

Хомский ашыгыч ярдәм килгәнче үк җан бирә.

Мәскәү ЮХИДИ авария турындагы хәбәрне раслаган. 
 


Шаһитлар сүзләренчә, режиссерның спидометрында 130 км/сәг тизлек күрсәткән. Тормозлау юлы бик кыска булган. Бәрелешү исә шулкадәр көчле булган, туктап торган йөк машинасы берничә метрга алга күчкән. Мәрхүмнең машинасы исә артка таба киткән. Аварияне күргән кешеләр ярдәм итәргә ташланган, Хомский исә урында ук һәлак булган.
   
Игорь Хомский 1976 елның 28 августында Мәскәүдә туган. Аның әтисе дә кинорежиссер, ул бала чагыннан ук төшерү мәйданында үскән. Игорь Хомский ВГИК тәмамлаган. "Очная ставка" дип аталган диплом эше студентлар Оскарына тәкъдим ителгән. Хомский төшергән "Неоконченный урок" фильмында Павел Деревянко, Анна Старшенбаум, башка танылган артистлар уйный. 

Игорь Хомский "Закон каменных джунглей" сериалын төшергән. Александр Петров уйный торган бу криминаль драманы  Россия тамашачысы 2015 елда күрде. "Неоконченный урок", "История N" һ.б. фильмнары бар. 

Әлеге авария мизгелен күзәтү камерасы төшереп алган.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла