“Өйдә нәни кызы көтә”: Audi Q5 машинасын сатарга киткән 27 яшьлек хатынны үтереп ташлаганнар

15 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
Екатеринбург шәһәрендә 10 октябрьдә югалган 27 яшьлек Ксения Каторгинаны биш көн чамасы эзләделәр. Бу турыда "Урал" телекомпаниясе хәбәр итте. 

Узган атнада пәнҗешәмбе көнне кич белән Ксения машинасына сатарга чыгып китә. Ул автомобильне сатып алырга теләгән кешеләр белән очрашырга тиеш була. Кыз сатып алучы белән Уралмаш территориясендә очрашырга җыена. Шул ук кичне аның телефоны җавап бирүдән туктый. Тикшерүчеләр җинаять эше ача. 

Кызны бөтен шәһәр халкы эзли. Коткаручылар һәм волонтерлар Серов тракты тирәсендәге урманнары урап чыга. Шувакиш күле яныннан да эзлиләр. 

Ксения саткан машинаны хокук саклаучылар Чиләбе алып-сатарларында таба. Автомобиль салонында кан эзләре дә була. Ксенияне эзләүчеләр могҗиза булуына ышана. Аны өендә тугыз яшьлек кызы көтеп тора, диелә телеканал хәбәрендә.

Ксенияне машина сатып алучы белән очрашуга ялгызы гына килергә күндергәннәр. Аңа бернинди куркыныч янамый дип ышандырганнар. Бу турыда "МК Челябинск" хәбәр итте.

Ул Audi автомобилен сатарга җыена. Ксения югалганнан соң машина Чиләбедә табыла. Алып-сатарлар машинаны "чит ил кешеләре" яки "чегәннәрдән" сатып алдык диләр. Сатканда машинаның бөтен документлары да була, шуңа күрә алып-сатар бернидән дә шикләнми. Ләкин криминалистлар салонда кан таплары таба. Бу тапларны кемдер сөртеп чистартырга маташкан.

Ксения машинасын сатып алырга теләгән кешеләр белән моңа кадәр дә  очраша. Ләкин очрашуларга һәрвакытта да берәр танышы белән бара. Ә соңгы тапкырда ул бер ялгызы гына китә.

"Ксюша бик мәрхәмәтле, нечкә күңелле иде", - дип сөйли аның дус кызы.

Дус кызы сүзләренчә, Ксенияне ялгызы гына килергә күндерәләр, "куркырга кирәкми" дип, танышларына да әйттермиләр. Соңрак ачыкланганча, Ксениягә бер хатын-кыз шалтырата, ул йөкле булуын әйтә, токсикозга зарлана. Шуңа күрә Ксениядән үзе килүен үтенә.

Нәкъ менә шушы хатын машинаны алып-сатарларга китереп сатуда катнашуы да ихтимал. Алып-сатарлар журналистларга һәм тикшерүчеләргә сөйләгәнчә, иномарканы сатучы кешеләрдә Ксения исеменә паспорт һәм алар белән яшь хатын-кыз була.

Ксения Audi Q5 машинасын сатып, ипотекага фатир алмакчы була. Бу турыда "Комсомольская правда" хәбәр итте. 

"Ксюша эшенә якынрак урыннан - Березовскоеда фатир аласы иде", - дип сөйли дус кызы.

"Полиция мәгълүматы буенча, Ксениянең телефоны соңгы тапкыр Шувакиша районында теркәлгән. Чиләбедә видеокүзәтү камераларын тикшерделәр. Машинаны сатканда катнашкан кыз Ксения түгел. Ләкин аларда Ксениянең паспорты, машина документлары булган", - дип сөйли Ксениянең кайнанасы Людмила Вишнякова.

Бүген Ксения Каторгинаны үтерүдә шикләнелүче өч кешене тоткарлаганнар. Бу турыда аның кайнанасына сылтама белән "Комсомольская правда" хәбәр итте.

Соңрак 27 яшьлек Ксения Каторгинаның мәете табылган дигән хәбәрләр дә чыкты. "Мәгълүмат расланды. Мәет табылды. Эчке эшләр министрлыгы раслады", - дип хәбәр итте РИА Новости.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла