"Үтергеч массаж": Косметолог бүлмәсендә үлгән яшь кыз мәетендә укол эзләре табылган

12 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
Мәскәүдәге бер банкта эшләүче 29 яшьлек Элина быел июльдә массаж бүлмәсендә үлгән. Бу турыда "МК" сайты хәбәр итте.

Косметолог янына килгән кыз битенә массаж, маска һәм пилинг ясатырга җыена. Ләкин биредә аның хәле китә. Кызны көзән җыера башлый, авызыннан күбек китә.

Косметологтан хокук саклау хезмәткәрләре сорау ала. Аның сүзләренчә, кызда нерв треморы була, аның күзләренең карасы зурая. Ул мәрхүмә кыз ниндидер препаратлар кулланган дип әйтмәкче була. Имеш, шуңа күрә лимфодренаж массажы ясаганда кызның хәле китә.

Мәетне тикшергәч, аның битендә укол кадаган урыннар табыла. Алар медицина энәсе белән кадаганга охшаган була. Косметолог моңа да җавап таба. Имеш, ала шәфкать туташы белән Еленаны аңына китерергә тырыша, шул вакытта аңа реанимация препаратлары кадыйлар.

Косметолог арендага алынган кабинетта эшли һәм шәхси практика алып бара.

Еленаның дус кызлары полициягә үз версиясен сөйли. Аларның сүзләренчә, Елена тышкы кыяфәтен бик ныклап тәрбияли, гел яхшырырга тырыша. Елена иреннәрен ясаткан, битенә ботокс керткән. 

"Тикшерү органнары косметология хезмәтләре күрсәтүче 35 яшьлек хатын-кызга карата җинаять эшен тикшерә. Табиб кызга дару кадаган, шуннан соң кызда анафилактик шок булган. Кыз түләүле медицина үзәгендәге кабинетта вафат булган", - дип сөйләгән Мәскәү буенча Тикшерү идарәсе вәкиле Юлия Иванова "Вести" каналына.  


Соңрак хокук саклаучылар ачыклаганча, Елена бу көнне косметолог янына массажга килмәгән. Табиб сүзләре дөреслеккә туры килми. Елена корсагына һәм арткы ягына липоксация ясатырга теләгән. Экспертлар ачыклаганча, мәрхүмә хатынга авыртуны баса торган дару кадаганнар. Нәкъ менә шуның аркасында Еленада анафилактик шок була, аның сулышы кысыла, шуннан соң хатын вафат була.

35 яшьлек косметолог хатынга карата җинаять эше ачыла. Ул тормышка һәм сәламәтлеккә куркыныч тудыра торган хезмәтләр күрсәткән дип шикләнәләр. Хәзер аңа чыгып китмәү турында имза куйдырганнар.

Табиб исә үзен гаепсез дип саный, диелә хәбәрдә.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла