"Әни, мине хәзер кыйныйлар": Себердә йомыкый характерлы кызны классташлары җәберләгән

2 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Новосибирск шәһәрендә мәктәптә җиденче сыйныфта укучы балалар классташ кызларын кыйнаган. Алар йомыкый характерлы, гаджетлар белән кызыксынмаган бу кызны даими җәберләп торган. Бу хакта РИА Новости яза.

Җәберләү инде ике ел дәвам итә икән. 

"Аның буе бәләкәй, ул көчсезрәк күренә. Карап торышка гап-гади кыз бала инде, тик интернет һәм гаджетлар белән кызыксынмый - шуның өчен "эләккән" дә", - дип сөйләгән журналистларга кызның әнисе. 

Яшүсмер классташларының негатив мөнәсәбәте аркасында былтыр ул кызын башка класска күчергән. Мәктәп директоры ситуацияне хәл итәргә тырышкан, әмма берни барып чыкмаган. Әни кеше полициягә дә мөрәҗәгать иткән, тик тәртип саклаучылар да берни кылмаган.

Кызның яңа классташлары да баланы җәберләргә тотынган. Апрель уртасында берничә классташ кызы аны киенү бүлмәсендә кыйнап ташлаган. Башка яшүсмерләр моны видеога төшереп торганнар һәм ярдәм итәргә ашыкмаганнар. 

"Миңа шалтыратты да, "Әни, хәзер мине кыйныйлар", диде. Мин олы кызыма шалтыратып, тиз генә мәктәпкә барырга куштым", - дип сөйләгән әнисе. Апасы килеп җиткәч, сугышуны туктата алганнар.

Табиблар балада күкрәк, бил, җилкә тирәсендә бәрелүләрне теркәгән. Балага ике атна утырып тору ярамаячак.

"Башка сыйныфта укучы бер кыз баламны баскычтан тәгәрәтеп төшергән, шуннан соң ул атна буе көчкә йөрде", - дип тә зарланган әни кеше.

Баласын кыерсыткан кызның әнисе конфликтны ачыкларга теләмәгән.

Мәктәп директоры да берничек тә ярдәм итмәгән. Шуңа күрә кызның анасы полициягә мөрәҗәгать иткән.

"Күзәтү видеокамераларыннан видеоны күрсәтүне сорадым, полиция үзе генә карады да, сезнең карау кирәкми, диде", - дип сөйләгән хатын журналистларга.

Әни кеше баласын мәктәпкә җибәрергә куркып яши.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла