"Үлде" дип мәетен моргка китергәч, сабый бала терелгән
Алтый айлык сабый моргта юган вакытта аңына килгән.
Иранда сабый бала үлгән дип белгәннәр. Аның мәетен моргка китергәннәр. Шуннан соң алты айлык бала терелгән. Бу турыда Иран басмасына сылтама белән, РИА Новости хәбәр итте.
Урмия шәһәрендә булган вакыйга табибларны шок хәленә китергән. Алар алты айлык балага "үлде" дип белешмә биргән булган. "Үлгән" сабый моргта терелгәч, аның гаиләсе дә тетрәнгән.
"Алты айлык бала "үлгәч", аның мәетен моргка озатканнар. Юган вакытта, бала терелеп киткән", диелгән әлеге хәбәрдә.