Эштән куган өчен үпкәләгән ир-ат җитәкченең машинасына ут төрткән

4 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: 02.мвд.рф

Уфа шәһәрендә 53 яшьлек ир-атны элеккеге җитәкчесенең «Хендай Солярис» машинасына ут төртеп яндыруда гаеплиләр. Бу турыда Башкортстанның Эчке эшләр министрлыгы матбугат хезмәте хәбәр итте.

Былтыр җәй көнне Уфаның Генерал Горбатов урамында иномарка янган. Криминалистлар, машинага ут төртеп яндырганнар, дип нәтиҗә ясаган. Машинаның 50 яшьлек хуҗасына 800 мең сум чамасы матди зыян килгән. Ул Уфа шәһәренең бер университетында бүлек җитәкчесе булып эшләгән.

Полиция хезмәткәрләре ут төртүчене эзли башлаган. Җитәкче булып эшләүче кешегә хезмәттәшләре зыян салмады микән дип тә уйлаганнар. Версияләрне тикшерә торгач, бер ир-аттан шикләнә башлаганнар. Бу ир-ат зыян күргән кешенең урынбасары булып эшләгән. Вакыйга булырга бер ел алдан, җитәкче кеше аны эштән җибәргән.

Башлангыч мәгълүматлар буенча, 53 яшьлек ир-ат җитәкчегә бик үпкәләп киткән. Ул үч алырга карар кылган. Нуриман районында яшәүче элеккеге сыйныфташына мөрәҗәгать иткән. Сыйныфташ исә чит кеше машинасына ут төртеп яндырган. Моның өчен 53 яшьлек ир-ат аңа бераз гына акча да түләгән.

Ут төрткәнче, бер ай алдарак, шушы ук сыйныфташ «Хендай Солярис» машинасын кызыл буяу белән буяп киткәнен дә ачыклаганнар. Ул вакытта хуҗа полициягә мөрәҗәгать итмәгән, машинаны үз хисабына төзәткән.

Чит кеше милегенә зыян салу факты буенча җинаять эше ачылган. Җинаятьтә шикләнелүче 53 яшьлек ир-атка һәм аның сыйныфташына яшәгән урыннан чыгып йөрмәскә дигән карар чыгарып, имза алынган. Әгәр аларның гаебе исбатланса, бу кешеләрне биш елга кадәр иректән мәхрүм итүләре ихтимал.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла