"Алтмышлап яра эзе": Бер ир хатынын һәм нәни баласын пычак һәм отвертка белән үтергән

3 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Алты яшьлек малай тәнендә алтмышлап яра эзе табылган.

Мәскәү өлкәсенең Медведково шәһәрендә бер ир хатынын һәм баласын үтергән. Җинаятьче ир стенага «мин сине тудырдым, мин сине үтерәм» мәгънәсендәге сүзләр язып калдырган. Бу турыда 360tv сайты хәбәр итте.

Фаҗига булган фатир канга баткан булган. Идәндә һәм стенада «Иуда — Маша» һәм «Я тебя породил, я тебя и убью» дип язылган. Бу гаилә биш ел элек Украинадан күченеп килгән булган.

Мәрхүмә хатынга 29 яшь, балага алты яшь. Аларны отвертка һәм пычак белән үтергәннәр. Малайның тәнендә алтмышлап яра эзе булган. Хатынның тәне сыдырылган. Коточкыч хәл — фатир канга баткан, ике мәет, ваннада канга баткан ир-ат. Полиция фаҗиганең сәбәпләрен ачыклый. Фатир хуҗасы бер әби. Ул да шушында ук яши. Мәрхүмә хатын исә бу әбинең оныгы. Оныгын һәм оныгының баласын үтергәндә ул күрше бүлмәдә булган, диелгән әлеге хәбәрдә.

Гаилә төрле бүлмәләрдә яши. Әби — үзе генә, ир һәм хатын бергә, бала өченче бүлмәдә йоклый.

Әби башта оныгының тәмәке тартырга еш чыгуына гаҗәпләнгән. Иртән-иртүк алтынчы яртылар тирәсендә әби коридорга чыккан. Ул башмаклары идәнгә ябышуын абайлап алган. Башмакны салып идәнгә басып караган, ялан аяклары да ябышкан. Коридор буйлап оныгының ире арлы-бирле йөренеп торган. Бераздан ир ваннага кереп бикләнгән.

Әби бала йоклый торган бүлмәгә керә. Ул идәндә ятучы оныгын күреп ала. Бу хатын селкенми. Әби оныгы аңын югалткан дип уйлый һәм орынмаска карар кыла.

Иртәнге тугызлар тирәсендә әби кабат бала бүлмәсенә керә. Анда бар да иртәнгечә булгач, әби ашыгыч ярдәм чакырырга киткән. Урынга килгән табиблар фатирда ике мәет күреп алган. Ирне ваннада тапканнар. Ул үз-үзенә кул салырга маташкан.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла