Башкала үзәгендә Россия чемпионын кыйнап үтергәннәр - видеокүзәтү кадрлары

17 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

22 яшьлек егет 51 яшьлек каравылчы белән сугышкан.

17 февраль иртәсендә Мәскәү үзәгендәге Тверская урамында Үзәк телеграф янында ир-атлар сугышкан. Әлеге вакыйгада 22 яшьлек Россия чемпионы һәлак булган. Бу турыда «Вести» каналы хәбәр итте.

Кеше үлеменә китергән сугышны күзәтү камерасы видеога төшереп торган.

Россия Тикшерү комитетының Мәскәү буенча идарәсенең матбугат хезмәтенә сылтама белән хәбәр ителгәнчә, 51 яшьлек каравылчы һәм 1996 елда туган ир-ат арасында сугыш саклана торган территориядә булган. Алар башта талашкан. Шуннан соң сугыша башлаганнар. Бераздан алар икесе дә җиргә егылган һәм 22 яшьлек ир-ат үлгән.

«Урынга килеп җиткән ашыгыч ярдәм табиблары 22 яшьлек егетнең үлемен раслаган. Хәзерге вакытта тикшерү эшләре бара. Егет үлеменең төгәл сәбәпләрен ачыклау өчен судмедэкспертиза билгеләнде», дип хәбәр иткәннәр ведомствода.

Матбугат чаралары мәгълүматы буенча, Орел өлкәсенең Ливна шәһәрендә туган 22 яшьлек егет Геннадий П. спортчы булган. Аның тәҗрибәсе дә зур, ул төрле спорт ярышларында катнашкан. 20116 елда универсаль көрәш буенча Россия чемпионатында җиңгәнгән булган, диелгән әлеге хәбәрдә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла