Апрельгә халык сынамышлары: тургай тавыш бирсә – җылыта, кызылтүш җырласа - суыта

31 март 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: архив tatar-inform
Апрель - язның икенче, аеруча кайнап торган чагы. Апрель җитсә - җәй ишек төбендә  дигән сүз.

1 апрель төне йолдызсыз булса, җылы көннәр җитә.

2 апрель көнне көн җылы булып, кошлар туй итсә, ике атна җылы торыр.

3 апрельдә каен суы мул акса, җәй яңгырлы килер. Бу көнне күк күкрәсә, иген уңар.

4 апрельдә ала каргалар су коенса – тиздән җәй җитә.

5 апрельдә кар эреп бетмичә, беренче тапкыр күк күкрәсә, җәй салкын булыр.

6 апрельдә тургай тавыш бирсә – җылыта, кызылтүш җырласа – суыта.

7 апрельдә түбәләрдә кар эремәсә, кырда да тагын бер ай ятачак.

8 апрельдә нинди һава торышы булса, 8 октябрь дә шундый булачак.

9 апрельдә көндезләрен әтәч кычкырмаса, 2-3 көннән явым-төшем булыр.

10 апрельдә кояш кызарып чыгып, тиз арада болытлар аратына качса – яңгырга.

11 апрельдә болытлар өстә булып, тиз йөзсәләр – көннәр матур торыр.

12 апрельдә кыр казлары биектән очса – җәй яңгырлы, түбәннән очса – коры булыр.

13 апрельдә иртәдән вак яңгыр сибәләсә, җәй яңгырлы килер.

14 апрельдә еракта күк күкрәсә, атна-ун көн җылы, аяз булыр.

15 апрельдә елгалар ташып акса, печәнле ел килә.

16 апрельдә елгаларда боз китмәсә, балыкчылар өчен уңышлы ел түгел.

17 апрельдә болытлар өстә булып, тиз йөзсәләр – көннәр матур торыр.

18 апрельдә көндез җылы, төнлә салкынча булса, көннәр утыра.

19 апрельдә җилсез, кояшлы җылы көн була икән – язгы сабан культуралары уңар.

20 апрель төне йолдызлы булса, җиләк һәм гөмбә елы килә.

21 апрель көн кояшлы икән, җәй дә шундый булыр. Көн болытлы булса, җәй дә яңгырлы.

22 апрельдә җил, бәс яки томан күзәтелсә – бар нәрсә дә уңа.

23 апрельдә яшь үрмәкүчләр күрсәгез, җәй ишек төбендә дигән сүз.

24 апрельдә сулар китеп бетмәсә, яз соң килә һәм җәй дә мактанырлык булмый.

25 апрель – таң атканда йолдызлар җемелдәсә, өч көннән яңгыр явар.

26 апрель – бакалар тавыш бирсә, солы чәчәләр.

27 апрель катлы-катлы болытлар тармакланып тарала икән, коры һәм аяз һава торышына ишарә.

28 апрель – берничә көн рәттән көньяктан җил исә икән – яңгырга. Әгәр бал кортлары эш бетереп иртә кайта икән, якын арада җәй җылысы җитәчәк.

29 апрель көнне җил көнбатыштан иссә, яңгырга.

30 апрель – көньяк-көнбатыштан җил исә икән – берничә көнгә сузылган яңгырлар булыр. Әгәр бал кортлары чия куагына кунса, чия уңар.



Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла