Замша аяк киемен ничек чистартырга?

27 январь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: "Татар-информ"
Замшадан эшләнгән аяк киемнәре киеп йөрергә яратучылар белә - аны даими рәвештә чистартып торырга кирәк.
Замша - дымны яратмый торган материал. Су аның бөтен рәвешен бозарга мөмкин. Әгәр замша сапоги, ботинкаларга кара ябышып калса, яңгыр тисә, ул урында эзләр хасил була. Бигрәк тә караңгы төстәге замшада кар, су эзе ачык күренә. Юлларга сибелгән химик матдаләр кар белән аяк киеменә дә утыра. Нәтиҗәдә, яраткан сапогиларны чыгарып ыргытырга туры килә.

Начар һава шартлары тәэсиреннән саклау өчен, замша аяк киеменә махсус спрей сиптерергә була. Юлга чыгар алдыннан яңгыр, кар, тузан ияртми торган составлы матдә белән эшкәртүнең файдасы булырга мөмкин.

Салгач та, мондый аяк киемен махсус резина щетка белән чистартырга һәм киптерергә кирәк. Тапларны бетерү өчен бераз гына кер юу порошогы салынган җылымса су кулланырга була. Артык чылатмыйча гына юып, салфетка белән киптереп калдыру хәерлерәк.

Аш серкәсе (уксус) эремәсе дә замшадагы тапларны чистарту өчен кулланыла. 5 аш кашыгы суга 1 аш кашыгы аш серкәсе салып ясалган эремәне файдаланып карагыз. Шуннан соң һичшиксез салкын су белән чайкап куярга кирәк. Әлбәттә инде, киптерү шартын онытмагыз. Аяк киеме эченә кәгазь тутырып, бүлмә температурасында, җылыткыч приборлардан ерактарак киптерү хәерле.

Кайбер очракларда гади бетергеч тә замшадагы тапларны бетерергә мөмкин.

Замша төсен яңарта торган махсус төсле спрей куллану аяк киеменең хезмәт итү вакытын озынайта.

Шуны истән чыгармагыз, замша "сулый" торган материал. Аны полиэтилен белән томалап сакларга ярамый. Картон тартмаларда, тукымадан ясалган пакетларда, эченә кәгазь кебек әйбер тутырып саклагыз.

Фикерләр








Сорау-җавап

Автомобильне урлап алып китмәсеннәр өчен нишләргә?

Сорауга Татарстан Республикасы буенча Эчке эшләр министрлыгының җинаятьчеләрне эзләү идарәсенең автомототранспорт урлап китү һәм урлау эшләре бүлеге башлыгы, полиция подполковнигы Җәвит Гасанов җавап бирә.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла